主页 > 乐园叫做 >《史上第一位炒油王鱿鱼既主帅 >
2020-05-27

《史上第一位炒油王鱿鱼既主帅

《原创文章 欢迎转载 请列明出处 谢谢》-请支持蓝狮 Facebook专页-《史上第一位炒油王鱿鱼既主帅 按此观看图片 封笔接近两个星期,虽然目标尚未达到,总要重新上路,那边厢车路士以官方形式宣布沙利离队,而祖云达斯随即公布意大利人将接任班马军团主帅一职,意味着沙利成为自艾巴莫域治入主后史上第一位自行赔钱离开既蓝军领队,「匆匆的来 匆匆的去」,哩一句足以形容沙利哩一季英国之游。唔知大家仲记唔记得沙利上季既上任时间,其实当时车路士为左请哩位意大利人都经已花费左唔少,讲梗既唔单止係时间同金钱上,当中更包括一笔转会费喺收购旧部佐真奴身上,即使上任后季前準备既时间亦都唔多,有指选择沙利係Marina Granovskaia既意思,亦因为咁所以喺季中一段动荡期间车迷都将茅头直指「西女人」身上。而以结果论黎讲,欧霸盃冠军、联赛盃亚军再加上重夺欧联席位,哩份成绩表其实点都值得再比多一季时间沙利,无论当中过程有几咁唔好睇,比曼城大炒有几咁难堪,简迪与佐真奴之间既运用有几大争议都好,成绩都摆在眼前,既然当初蓝军都花左唔少喺沙利身上,依加反而肯比佢赔钱走人,其实都真係几摸不着头脑。沙利声称自己离开既原因係关係到家人、朋友以及想念意大利既生活,亦都姐係有啲所谓既「思乡病」,其实讲咩都係门面野,沙利离开既主因好大程度係关于得唔到球迷、球员同管理层之间既支持同欢心,后两样都唔需要多讲,近年无几多个领队都可以得到哩两方面,但喺球迷方面都有咁既现象就真係第一次见,试问有几多个领队会接受到自己喺主场都可以比番自己既球迷高呼问候,比着係你都教到无瘾。而同时间有意大利球会喺哩个时候招手,更重要既係一个环境配套比起依加什至之前更好既球会邀请你返去,即使你係唔係一个标準既「打工仔」,其实都相当之容易作出选择。总括而言,沙利既离开,未必係车路士唔想留,而係喺依加哩个环境同氛围底下,球迷意见走到两极,强留佢亦未必係一个好选择,倒不如比佢赔足钱就批準走人,而沙利方面自己点谂?呼之欲出啦。虽然「沙利波」未为英超带黎革命性改变,不过点讲都好沙利都唔係一个差领队,只能够话时机同环境未必适合,点都值得球迷尊重。文章发表时间 : 18/06/2019 12:00文章最后更新时间 : 18/06/2019 12:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持